פרק ה פון הלכות שבת לערנט אויס די דינים פון הדלקת נר שבת – אז עס איז א חובה (נישט א רשות), וועלכע פתילות און שמנים מען טאר ניצן, און גזירות פון “שמא יטה” אז מען זאל נישט קורא זיין לאור הנר. דער רמב״ם באשרייבט אויך די סדר פון זעקס תקיעות וואס מען פלעגט בלאזן ערב שבת – דריי תקיעות צו ווארענען די עולם אז שבת קומט (פון די שדות, פארמאכן די חנויות, און אראפנעמען די טעפ פון די כירה), און נאכדעם תקיעה-תרועה-תקיעה ווען שבת הייבט זיך אן.