פרק כ״ז פון הלכות שבת באהאנדלט די דינים פון תחומין – דאס איסור ארויסצוגיין חוץ לתחום בשבת. דער רמב״ם לערנט אז מדאורייתא טאר מען נישט גיין מער ווי צוועלף מיל פון די שטאט, און מדרבנן איז די שיעור אלפים אמה. די שיעור ווערט באהאנדלט אין פארשידענע קעיסעס: ווען מען איז שובת אין א שטאט, אין א רשות היחיד, אדער אין א בקעה, און וואס טוט זיך ווען מען גייט ארויס חוץ לתחום בשוגג, במזיד, אדער ברשות בית דין.