הסבר-

הסבר-
אלה הם כל הדיבורים של אחשורש במגילה
א.
הַכֶּ֖סֶף נָת֣וּן לָ֑ךְ
וְהָעָ֕ם לַעֲשׂ֥וֹת בּ֖וֹ כַּטּ֥וֹב בְּעֵינֶֽיךָ׃
—–
ב.
מַה־לָּ֖ךְ אֶסְתֵּ֣ר הַמַּלְכָּ֑ה
וּמַה־בַּקָּשָׁתֵ֛ךְ
עַד־חֲצִ֥י הַמַּלְכ֖וּת וְיִנָּ֥תֵֽן לָֽךְ׃
—
ג.
מַהֲרוּ֙ אֶת־הָמָ֔ן
לַעֲשׂ֖וֹת אֶת־דְּבַ֣ר אֶסְתֵּ֑ר
—-
ד.
מַה־שְּׁאֵלָתֵ֖ךְ וְיִנָּ֣תֵֽן לָ֑ךְ
וּמַה־בַּקָּשָׁתֵ֛ךְ
עַד־חֲצִ֥י הַמַּלְכ֖וּת וְתֵעָֽשׂ׃
——
ה.
מַֽה־נַּעֲשָׂ֞ה יְקָ֧ר וּגְדוּלָּ֛ה לְמׇרְדֳּכַ֖י עַל־זֶ֑ה
—–
ו.
מִ֣י בֶחָצֵ֑ר
—-
ז.
יָבֽוֹא׃
—–
ח.
מַה־לַּעֲשׂ֕וֹת
בָּאִ֕ישׁ אֲשֶׁ֥ר הַמֶּ֖לֶךְ חָפֵ֣ץ בִּיקָר֑וֹ
—–
ט.
מַ֠הֵ֠ר קַ֣ח אֶת־הַלְּב֤וּשׁ וְאֶת־הַסּוּס֙ כַּאֲשֶׁ֣ר דִּבַּ֔רְתָּ
וַֽעֲשֵׂה־כֵן֙ לְמׇרְדֳּכַ֣י הַיְּהוּדִ֔י הַיּוֹשֵׁ֖ב בְּשַׁ֣עַר הַמֶּ֑לֶךְ
אַל־תַּפֵּ֣ל דָּבָ֔ר מִכֹּ֖ל אֲשֶׁ֥ר דִּבַּֽרְתָּ׃
———
י.
מַה־שְּׁאֵלָתֵ֛ךְ אֶסְתֵּ֥ר הַמַּלְכָּ֖ה
וְתִנָּ֣תֵֽן לָ֑ךְ
וּמַה־בַּקָּשָׁתֵ֛ךְ
עַד־חֲצִ֥י הַמַּלְכ֖וּת
וְתֵעָֽשׂ׃
——-
יא.
מִ֣י ה֥וּא זֶה֙ וְאֵֽי־זֶ֣ה ה֔וּא
אֲשֶׁר־מְלָא֥וֹ לִבּ֖וֹ לַעֲשׂ֥וֹת כֵּֽן׃
——-
יב.
הֲ֠גַ֠ם לִכְבּ֧וֹשׁ אֶת־הַמַּלְכָּ֛ה עִמִּ֖י בַּבָּ֑יִת
——
יג.
תְּלֻ֥הוּ עָלָֽיו׃
——-
יד.
הִנֵּ֨ה בֵית־הָמָ֜ן נָתַ֣תִּי לְאֶסְתֵּ֗ר
וְאֹתוֹ֙ תָּל֣וּ עַל־הָעֵ֔ץ
עַ֛ל אֲשֶׁר־שָׁלַ֥ח יָד֖וֹ בַּיְּהוּדִֽים׃
וְ֠אַתֶּ֠ם
כִּתְב֨וּ עַל־הַיְּהוּדִ֜ים כַּטּ֤וֹב בְּעֵֽינֵיכֶם֙
בְּשֵׁ֣ם הַמֶּ֔לֶךְ
וְחִתְמ֖וּ בְּטַבַּ֣עַת הַמֶּ֑לֶךְ
כִּֽי־כְתָ֞ב
אֲשֶׁר־נִכְתָּ֣ב בְּשֵׁם־הַמֶּ֗לֶךְ
וְנַחְתּ֛וֹם בְּטַבַּ֥עַת הַמֶּ֖לֶךְ
אֵ֥ין לְהָשִֽׁיב׃
——-
טו.
בְּשׁוּשַׁ֣ן הַבִּירָ֡ה
הָרְגוּ֩ הַיְּהוּדִ֨ים וְאַבֵּ֜ד
חֲמֵ֧שׁ מֵא֣וֹת אִ֗ישׁ
וְאֵת֙ עֲשֶׂ֣רֶת בְּנֵֽי־הָמָ֔ן
בִּשְׁאָ֛ר מְדִינ֥וֹת הַמֶּ֖לֶךְ
מֶ֣ה עָשׂ֑וּ
וּמַה־שְּׁאֵֽלָתֵךְ֙
וְיִנָּ֣תֵֽן לָ֔ךְ
וּמַה־בַּקָּשָׁתֵ֥ךְ ע֖וֹד
וְתֵעָֽשׂ׃
———